Farg‘onada o‘rganishlar olib borayotgan Sayyora Jumayeva viloyat Yo‘l harakati xavfsizligi boshqarmasi vakillari bilan uchrashib, Marg‘ilon shahar, “Navro‘z” mahallasi aholisining murojaatini hal etdi. Endi hudud aholisini ko‘pdan buyon qiynayotgan xavfsizlik masalasi – Farg‘ona xalqa avtomobil yo‘lining aholi gavjum o‘tadigan qismiga “yo‘lchiroq” o‘rnatiladigan bo‘ldi.

Shuningdek, deputat “Mehrjon” ayollar va bolalar markazi muammolarini ham o‘rgandi. Markaz asosan zo‘ravonlik va tazyiqqa uchragan xotin-qizlar hamda bolalarga huquqiy va psixologik yordam ko‘rsatish, ularni vaqtincha boshpana bilan ta’minlash bilan shug‘ullanadi.