Hududdagi muammolarni joyida oʻrganib, yechimiga amaliy koʻmak berish deputatning muhim yoʻnalishidir. Shu maʼnoda, Surxondaryoning Bandixon tumanida boʻlgan Nigora Lutfullayeva hokim va mahalliy Kengash deputatlari bilan hududning ijtimoiy-iqtisodiy masalalarini muhokama qildi. Mahallalarda jinoyatchilikning oldini olish borasidagi ishlarni oʻrgandi.

Deputat 300 nafar ayolni doimiy ish bilan taʼminlagan ip-kalava ishlab chiqaruvchi “KHILAL VORTEX” korxonasi faoliyati bilan ham tanishdi.

“Bu shunchaki korxona emas. Bu 300 ta oilaga daromad, 300 insonga imkoniyat degani” – deydi Nigora Lutfullayeva.